LAOAG CITY – Inbatad ni National Irrigation Administration Administrator Eddie Guillen a maasyan unay ken ni Presidente Ferdinand Marcos Jr. gapu ta adda dagiti mayat a mangipababa kenkuana iti baet nga adon dagiti naar-aramidan na a pagsayataan iti pagilian.
Kuna na a nakita na no kasanu ti kinadalos ti puso ken kinasinsero ti presidente nga agserbi kadagiti Pilipino.
Inrakurak pay ni Guillen a nagasat gapu ta makadkadwa ken makitkita na no kasanu ti panagserbi ni Presidente Marcos iti pagilian.
Innayon na a nasingpet unay ti presidente isut gapuna nga adda dagiti mangab-abuso kenkuana.
Inpaganetget ni Guillen a ti pulitika ket maipanggep ti public perceptions no sadinno a no awan ti ammo ken awan ti ar-aramiden, ti laeng aramiden ket perdien ti kalaban tapno agballigi, a daytoy ti dakkel a problema iti pagilian.
