LAOAG CITY – Saanen a nakigtot ni Presidente Ferdinand Marcos Jr. ti nagbalin a reaksion ni Davao City 1st District Rep. Paolo Duterte iti panangaprobar ti Kamara iti impeachment ni Vice President Sara Duterte.
Daytoy ti sungbat ti Presidente iti rakurak ni Rep. Duterte a maysa a political persecution wenno panangabuso iti bileg iti panang-impeach iti kabsatna.
Segun iti Presidente, ad-adda a masdaaw daytoy no umanamong iti panagpirma dagiti kongresista tapno maiendorso iti Senado ti impeachment complaints.
Inlawlawagna a nangngegnan no kasano ti wagas nga agsarita ti kongresista isu a saanen a makapakigtot ti nagbalin a komentona kadagiti padana a kongresista a nagpirma tapno ma-impeach ti kabsatna.
