LAOAG CITY – Inbatad ni CBR Laurel Paul Mariano, ti mangidadaulo ti Philippine Coast Guard (PCG) ditoy probinsya nga agtultuloy nga aktibo ti deployable response group (DRG).
Daytoy ket kageddan ti panangiparuk-at ti PHIVOLCS ti tsunami alert kalpasan a narikna ti magnitude 8.2 a gingined idiay Alaska, USA.
Inbatad na a nakasagana dagiti equipements ken dadduma a life saving gears nu bilang adda ti panagngato ti danom iti baybay.
Immuna iti daytoy, kuna ni Mariano nga iti agdama ket awan ti pangta ti tsunami ditoy probinsya.
Nu pay kasta, inlawlawag na a karaman ti sea level kadagiti probinsya a mabanbantayan gapu iti posible a panagngato ti danom gubuay ti panagtududo.
Innayun na nga addan ti pammalaag kadagiti barangay nga adda iti asideg iti baybay nga agbalin a alerto iti posible nga epekto ti panagbalbaliw ti panawen.
