LAOAG CITY – Ibilang ti Philippine Coast Guard (PCG) ken Bureau of Fisheries and Aquatic Resources a balligi ti joint maritime patrol iti West Philippine Sea.
Daytoy ket iti laksid ti panang-harass ti China kadagiti mangalap a Pilipino iti nadakamat a kabaybayan.
Segun kenni Philippine Coast Guard spokesperson for the West Philippine Sea Commodore Jay Tarriela, iti misyon ket nangipaay da ti petrolyo ken makan kadagiti 26 a Filipino fishing boats nga adda iti asideg ti Scarborough Shoal wenno Bajo de Masinloc manipud Marso 23 agingga iti Marsso 25.
Inbatad na a naprotehiran dagiti mangalap a Pilpino ken agpapan ita ket adda pay laeng dagiti mangalap nga adda iti paset ti Bajo de Masinloc.
Karaman iti uppat a multi-mission offshore vessels manipud iti Bureau of Fisheries and Aquatic Resources ti BRP Datu Sumkad, BRP Datu Balensusa, BRP Datu Tamblot, ken BRP Datu Pagbuaya a nagturong iti West Philippine Sea.
Kinadwa isuda ti dua a barko ti Philippine Coast Guard kas iti BRP Cabra ken BRP Bagacay tapno masigurado ti kinatalged ken seguridad dagiti mangalap a Pilpino iti kabaybayan.
Kabayatanna, sakbay met a nakadanon ti supply mission kadagiti Pilpino nga adda iti agarop 30 nautical miles manipud iti Bajo de Masinloc ket adda ti namonitor ti Philippine Coast Guard a pito a Chinese Coast Guard ships ken dua a People’s Liberation Army Navy vessels ngem saan da a nagatras.
Innayon na a maysa pay kadagiti nagbalin a karit ket ti dadakkel a dalluyon ngem nagballigi da ngem nagballigi met laeng ti misyon.
