LAOAG CITY – Nagballaag ti Philippine Coast Guard kadagiti residente iti Northern Luzon panagpatayab manen ti China ti Long March 7A rocket manipud Wenchang Spacecraft Launch Site iti Wenchang, Hainan Province.
Daytoy ket kalpasan a nangiruar ti Department of Transportation (DOTr) ti Notice to Mariners no sadinno a pinatayab da sipoud idi Agosto 21 agingga Agosto 25, 2024.
Mainaig iti daytoy, manamnama a sumagmamano kadagiti debris ti nasao a rocket ket matinnag iti bisinidad ti nasao a drop zone nga addaan ti 38 nautical miles manipud iti ili ti Burgos, Ilocos Norte ken 66 nautical miles manipud Sta Ana, Cagayan.
Gapu iti daytoy ket pagan-annaden ti Philippine Coast Guard dagiti barko nga agbiyahe kadagiti kabaybayan dagiti nasao a lugar.
Maipalagip a ti kaudian a panagpatayab ti China iti Long March 7A rocket ket idi June 29, 2024 no sadinno a nagpakdaar manen ti Philippine Space Agency (PhilSA).
