LAOAG CITY – Nakakita ti Philippine Coast Guard (PCG) ti leaks iti naarinebneb a motor tanker (MTKR) Jason Bradley.
Ti 39-meter a motor tanker ket naarinebneb iti baybay a paset ti Barangay Cabcaben, Mariveles, Bataan idi malem ti sabado.
Adda karga daytoy a saan a masinunuo ti kaado na a diesel.
Nagtalinaed daytoy iti kauneg a 9 a metro ken addaa iti kaadayo nga 600 a yarda manipod iti pantalan.
Kinalubanen dagiti divers ti Coast Guard ti leak ken agar-aramid dan ti addang tapno maikkat ti karga na a diesel.
Maiyus-uswat metten ti imbestigasyon mainaig iti nasao nga insidente.
Immunan a kinumpirmaran ti Coast Guard a nagleak pay ti industrial fuel oil ti naarinebneb a cargo tanks nga M/T Terra Nova iti baybay a paset metlaeng ti Bataan.
Ti Terra Nova a naarinebneb idi Hulyo 25 ket adda ti karga na a 1.4 milyon a litro ti industrial fuel oil ken maysa kadagiti 17 a crew na ket nabirukan a pimmusay.
