LAOAG CITY – Inbatad ni Coast Guard Commander Alois Morales iti Philippine Coast Guard ken nakabase iti ili ti Currimao nga agtultuloy ti panagpatrolyada kadagiti kabaybayan a paset ditoy probinsya.
Daytoy ket kageddan ti agtultuloy a panagtudtudo a mapaspasaran ti intero nga Ilocos Norte.
Segun ken ni Morales, nakasagana ti PCG iti panagresponde nu bilang adda dagiti insidente a mapasamak gubuay ti panagtutudo.
Kuna na a makaumanay ti bilang dagiti kameng ti Coast guard iti nagduduma nga ili kas iti Pasuquin ken Bacarra kasta met dagii equipments a mausar iti panagresponde.
Nu pay kasta, mangnamnama ni Morales a manayunan pay ti pwersa da gapu iti kalawa ti kabaybayan a paset ti probinsya.
