LAOAG CITY – In-inuten a matuntun-uyan ti arapaap a makapataud ti naruay a produkto gapu iti marunggay babaen ti pannakaiyestablisar ti “Malunggay Festival” ditoy siudad ti Laoag.
Daytoy ti inbatad ni Philippine Councilors League President National Pres. Handy Lao.
Imbatadna a napanunot na ti pannakaestablisar ti”Malunggay Festival” gapu ta amin a partes ti marunggay ket adda ti pakausaranna manipud iti ramutna, kayo, bulong, sabong ken iti bukelna.
Mangnamnama ti opisial a dakkel a makatulong iti ekonomia ditoy siudad ti Laoag dagiti produkto a maaramid babaen iti marunggay.
Inbunannagna nga iti agdama ket mannarimaan ti pannakisarsaritana iti pagilian a Japan gapu ta bukel ti marunggay ti kangrunaan a ramen dagiti maar-aramid a “capsule” nga agas iti nadakamat a pagilyan.
Mainaig iti daytoy, kunana nga adda ti plano a manayunan pay dagiti namulaan ti marunggay ditoy siudad ti Laoag.
Nupay kasta, impalgakna nga iti agdama ket mangbirbirukda pay laeng iti napintas a lugar a maestablisar a pagmulaan pay ti marunggay.
