LAOAG CITY – Pinaneknekan ni Police Chief Master Sergeant Maria Crisitina San Juan iti ili ti Pinili ti pagsasao nga awan ti saan a kabaelan nga aramiden ti maysa nga ina para kadagiti annak na.
Iti Mother’s Day Special iti programa Good Morning Philippines, nagbalin nga emosyonal ni San Juan kabayatan ti panangistorya na dagiti nagpasaran na, kangrunaan na iti ipupusay ti inauna nga anak na ken ti pannakapukaw ti asawa na.
Inbaga na a natay a mismo ti anak na iti takyag na idi 1996 gapu iti sakit a dengue, ken gapu iti napalalo a ladingit na ket nagpasar daytoy ti depresyon ken nabaybay-an dagiti dua pay nga annak na.
Nupay kasta, idi 1998 ket nakapanunot ni San Juan a sumrek iti Philippine National Police (PNP) gapu ta saannan a kayat ti mapukawan ti maysa pay nga anak gapu laeng ta awan ti kwarta na.
Inaramid na amin a kabaelan na para iti trabaho ken inpagarop na nga awanen ti dumteng pay a dakkel a pannubok iti biag na, ngem nagkamali daytoy gapu ta dimteng laengen ti maysa nga aldaw nga awanen iti balay da ti asawa na gapu ta inabandonar na idan a pamilya na.
Gapu iti daytoy, nagpasar manen ti depresyon ken ditoy a nakita na ti naiget a suporta kenkuana dagiti dua nga annak na, ken daytoy pay ti makaigapu a saan unay a naiyul-ulo ti inaudi nga anak na ti panagadal naa nagresulta ti pannakagun-od na ti nababa a grado.
Kuna pay ni San Juan a saan a nakaatendar ti graduation na iti elementary ti maysa nga anak na gapu iti panangbanbantay na kenkuana.
Iti maysa nga aldaw, nautub ni San Juan a masapol nga agmove-on gapu ta nakita na a kasapulan isuna dagiti dua nga annak na ken saan a rumbeng a mapukaw ditoy lubong.
Inkarigatan na ti bimmangon tapno maited na amin ti kasapulan dagiti annak kangrunaan na ti panagadal da agingga a nagturpos dagitoy iti kolehiyo.
Ngem sakbay iti daytoy, kas police officer ket ad-ado ti panawen na iti trabaho na ngem kadagiti annak gapu ta adda pay idi ti panawen a panpanawan na dagitoy iti dis-oras ti rabii, ken no mapan makiseminar ket bilinen na lattan dagitoy iti rumbeng nga aramiden da kabayatan nga awan iti balay da.
Innayon na a ti inar-aramid na ket kanayun na a kasarita dagiti annak na tapno ilawlawag kadagitoy no apay a basbassit ti oras na kadakuada ken ad-ado dagiti gundaway nga awan iti balay da, gapu iti klase ti trabaho na.
Nagyaman ni San Juan gapu ta mannakaawat ken marikna na no kasanu panangipateg kenkuana dagiti annak na.
Iti agdama, inbaga ni San Juan nga awanen ti sapulen na gapu ta pimmintasen ti panagbiag da ken dagiti annak na ti nagbalin nga inspirasyon na tapno malabanan na amin a pannubok iti biag.
Ti inauna nga anak na ket adda idiay Dubai, ti maikatlo ken napagturpos nan iti kolehiyo ken maysa metten a pulis idinto a ti inaudi ket adda pelang iti kolehiyo.
