LAOAG CITY – Inlawlawag ti Presidential Communications Office (PCO) a peke a damag ti agwarwaras ita online maipapan iti mapapati a pannakaaprobar ti Divorce Bill iti pagilian.
Segun iti Presidential Communications Office, agdama pay laeng a maiprop-proseso ti House Bill 9349 ken saan pay a naipaulog.
Maipalagip nga inaprobaran ti Kamara dagiti Pannakabagi ti singasing iti maikatlo ken maudi a pannakabasa ti House Bill 9349 idi Mayo 2024.
Ket iti agdama ket adds pay laeng iti Senado para iti ad-adu pay a deliberasion ken pannakaaprobar.
Gapu iti dyatoy, pinalagipan ti Presidential Communications Office ti publiko a kitaenda a nalaing dagiti impormasyon a mabasada iti social media ken tumulongda a mangpasardeng iti panagwaras dagiti saan nga umiso nga impormasion.
