LAOAG CITY – Maisagsaganan ti maipila a reklamo a panaglabsing iti PD 449 wenno Cockfighting law kontra kadagiti 36 nga indibidua agraman ti maysa a miyembro iti Sangguniang Bayan iti ili ti Badoc.
Daytoy ket kalpasan a naiyuswat ti operasyon dagiti kameng ti PNP Badoc gapu ti maipagarup nga iligal a panagtutupada dagitoy.
Immunan a nakumpirkar dagiti otoridad dagiti para pallot a manok ken dagiti tadi para iti manok.
Inpakaammo ni Police Major Joseph Tayaban, hepe ti PNP Badoc, nga adda dagiti naaw-awat da a report seknan iti iligal a panagsusugal.
Inlawlawag na nga iti mismo a pataengan ken farm ti Sangguniang Bayan Member ti pakaisaysayangkatan ti maipagarup nga iligal a sugal idinto a no adda ti mangiyuswat nga operasyon ket arig na makadlaw met dagitoy iti kallabes.
Kuna na nga adda pay dagiti nakalibas gapu ta timmapwak da iti alad kenna kurang dagiti pulis a nagresponde gapo ta adda pay ti naiyuswat a drug buy bust operation iti nasao nga ili idi kalman.
Nagtalinaed dagiti maseknan iti kustudyar ti PNP Badocken nausar pay iti maikadua a kadsaaran gapu ti kaadu ti bilang dagiti natiliw.
