LAOAG CITY – Inbatad ni Police Col. Jomar Labiano, ti Provincial Director iti Ilocos Norte Police Provincial Office nga adda dagiti nangusar ti naganna tapno agdawat iti kwarta.
Kuna na a napasamak daytoy babaen ti panangusar da ti peke nga account partikular ti telegram.
Gapu iti daytoy, nagballaag ni Labiano iti publiko nga agridam ken saan a basta mamati kadagiti agdawdawat ti kwarta ken dadduma pay a banag.
Inbalakad na a tapno maliklikan ti agbalin a biktima dagiti manangallilaw a tattao ket ugalien ti agberipikar no lehitimo ti katransaksyon da wenno saan.
