LAOAG CITY – Nagpalagip manen ni Provincial Director, Police Senior Superintendent Cesar Pasiwen kadagiti agik-ikot ti saan a rehistrado a paltog ditoy probinsya.
Segun kenni Pasiwen, masapol a maisuko pay laeng dagiti saan a rehistrado ken awanan ti lisensya a paltog iti kwerpo ti pulisya.
Inbatad na a no saan nga isuko dagiti maseknan dagiti ik-ikutan da a saan a lisensyado a paltog ket maiwayatan da ti operasyon.
Mainaig ti daytoy, inbatad na a mangrugi intono Enero 13 ket maipatungpal ti “Gun Ban” iti intero a pagilyan.
