LAOAG CITY – Agtultuloy ti panagkinamayet ti Department of Social Welfare and Development ken gobierno lokal ditoy ciudad ti Laoag iti pannakaipaay ti tulong kadagiti addaan ti rangkap ti bagi wenno Persons with Disability (PWD) karaman ti pamilia da.
Daytoy ti inpakaammo ni Mr. Christopher King Medina, Disability Officer 4 ti Person’s with Disability Affairs Office ditoy ciudad ti Laoag.
Inbatad na a babaen ti Aruga Project ket naiwayat ti evaluation kadagiti benepisyaryo tapno maammuan ken makita dagiti kasapulan ken pagsayaatan ti programa para kadagiti Person’s with Disability.
Kunana a gagem ti programa nga ad-adu pay ti mabenepisiaran ditoy siudad.
Mainaig iti daytoy, innalukoy na dagiti addaan ti rangkap ti bagina nga agturong da iti opsina da tapno makita ken maamoan no ania dagita pagkasapolan da.
