LAOAG CITY – Mangnamnama ni Miss Lanibel Ancheta iti Philippine Drug Enforcement Agency (PDEA) a kabaelan da a pugipugen wenno solbaren ti iligal a droga ditoy probinsya.
Daytoy ket iti laksid nga innem laeng ti miembro ti PDEA a naka-assign ditoy probinsya.
Inbatad a dagiti nasao nga innem a PDEA agents ti mangiggem iti amin nga operasyon ti iligal a droga ditoy probinsya.
Segun kenni Ancheta, nayabag nga ar-armiden da ti nagduduma nga anti drug activities kas iti panag-lecture mainaig iti droga.
Inlawlawag na a maysa kadagiti solusyon tapno masolbar ti problema ti droga ditoy probinsya ket ti agtultuloy nga emplemtasyon ti barangay clearing program.
Kabayatanna, kuna ni Ancheta a parte latta ti PNP ti maiyus-uswat a Community Base Rehabilitation Program (CBRP) nupay naipaima iti PDEA ti oprasyon ti iligal a droga.
Inlawlawag na saan a gapo nga inbilin ni Presidente Rodrigo Duterte nga isuda ti mangimplemtar ti operasyon ket saan metten a makibiang ti PNP iti nasao a programa.
Inbatad na a no kasapulan ti PDEA ti seguridad iti maiwayat nga operasyon ket makioordenar da iti PNP.
