LAOAG CITY – Umabot iti 112 dagiti Persons Deprived of Liberty iti Ilocos Norte Provincial Jail.
Daytoy ti inbatad ni Mr. Eddie Guiang, Ilocos Norte Provincial Jail Warden.
Segun kenkuana, kadagupan iti nadakamat a bilang ket siam ti babbai, ken kadduan kadagiti nakabalod ket sumangsango iti kaso a panagsalungasing iti Republic Act 9165 wenno Comprehensive Dangerous Drugs Act of 2002.
Kinunana pay nga iti biang dagiti babbai a Persons Deprived of Liberty ket sumansango iti panagsalungasing iti kaso a Republic Act 9165 wenno Comprehensive Dangerous Drugs Act of 2002 ken Estafa.
Innayonna, no maipapan iti situasion dagiti pagbalodan ket awan dagiti nagbalin a problema agsipud ta kanayon ti regular check-up ken panagmonitor iti kasasaad dagitoy idinto nga isigida a maipaayan ti agas dagiti balod no adda dagiti marikrinada.
Malaksid iti daytoy, kuna ni Guiang nga adda ti maangay nga Augmentation Force kadagiti jail guard iti Ilocos Norte Provincial Jail kabayatan ti pannakaselebrar ti paskua dagiti balod.
Inbatadna a masapol a ket marekisar dagiti taraon a pagsasasanguan dagiti balod a maiserrek iti pagbalodan.
Mainaig iti daytoy, masapol nga innem nga indibidual ti maximum a bisita dagiti tunggal balod.
Kabayatanna ti nadakamat nga aktibidad ket maiwayat inton Disiembre 20 iti alas-nuebe ti bigat agingga alas-kwatro ti malem.
