LAOAG CITY – Umabot iti 96 a Person deprived of liberty wenno PDL ti nakarehistro a botante iti Ilocos norte Provincial Jail para iti 2025 midterm election
Daytoy ti inbatad ni Jail Warden Editor Guiang, ti Provincial Warden ti Ilocos Norte Provincial Jail.
Inlawlawag ni Guiang nga awan ti mangayat a balud a mapan agbotos intono Mayo 12 gapu ta mabain da a ma-escortan nga nakaposas ken nakabado ti uniporme ti balud.
Nupay kasta, kuna ni Guiang a no agbaliw ti panunot dagiti balud ken adda ti mangayat a mapan agbotos ket nakasagana da a mangbayabay kadagitoy.
Iti agdama, adda ti 132 a balud iti Ilocos Norte Provincial Jail.
