LAOAG CITY – Inpasingked ni Mr. Marcell Tabije, mangidadaulo ti Provincial Disaster Risk Reduction and Management Office a naka-standby dagiti heavy equipment kageddan iti iduduprak ti Bagyo Kristine ditoy probinsia.
Segun kenkuana, adda ti backhoe a naikabil iti ili ti Paoay, Pagudpud ken iti ili ti Burgos para iti pannakawaknit kadagiti naiyabbeng a daga iti kalsada.
Malaksid iti daytoy, inbatadna a naka-preposition dagiti relief packs ti Provincial Social Welfare and Development Office para kadagiti maapektaran ti nasao a bagyo.
Inlawlawagna nga iti agdama ket manarimaan ti pannakaibunong dagiti relief goods kadagiti nagduduma a Local Government Units ditoy probinsia.
Kunana a naiget ti panangmonitorda kadagiti maseknan a lokal a gobierno nangruna kadagiti evacuation center tapno maipasigurado nga adda iti natalged dagiti umili.
