LAOAG CITY – Inulit ni Mr. Marcell Tabije, mangidadaulo iti Provincial Disaster Risk Reduction Management Office ti panawagan ni Gob. Matthew Marcos Manotoc a panagtitinnulong a mangsaluad kadagiti kayo iti kabanbantayan.
Inbatadna a dagitoy ket saan laeng a para iti agdama nga henerasion ngem para pay iti sumarsaruno nga henerasion.
Inpalagipna ti kaunday ti panawen a panangtaripato kadagitoy a kaykayo nga iti apagbiit laeng a kanito ket mapukaw ket nakasaysayang dagiti adu a tignay ti gobierno para iti pannakatagiben dagitoy.
Kabayatanna, inpakaammona a naisayangkat iti quarterly meeting ti Provincial Disaster Risk Reduction Management and Resiliency Council iti Session Hall ti Sangguniang Panlalawigan.
