LAOAG CITY – Balligi a naisayangkat ti Peace Covenant Signing ken Unity Walk iti ili ti Bangui nga indauloan ti Municipal Police Station, Ilocos Norte Police Provincial Office, Commission on Elections, Department of the Interior and Local Government ken Religious Sectors.
Segun ken ni P/Capt. Irineo Sibucao, Hepe ti Bangui Municipal Police Station, nakipaset amin dagiti nagpaidasig para iti 2O25 Midterm Elections no sadinno nga adda ti dua para iti kina-Mayor ken dua met para iti kina-Bise Mayor ken 12 para iti Sangguniang Bayan.
Inbatadna a sangsangkamaysa dagitoy a kandidato a nakipartisipar iti Unity Walk, Interfaith Prayers, panagsapata ken Signing of Integrity Pledge.
Mangnamnama ni Sibucao a sumurot dagiti kandidato kadagiti inyetnag a pagalagadan ti Commission on Elections.
Kabayatanna, inpasingked ti Philippine National Police a patas ti panangipaayda ti seguridad iti 2025 National and Local Elections.
