LAOAG CITY – Immapela ni Police Lt. Col. Roger Digmayo, ti pannakangiwat iti Ilocos Norte Police Provincial Office (INPPO) ditoy probinsya kadagiti amin a kandidato para iti May 9, 2022 elections a masapol a makipagpaset da ti Peace Covenant Signing a maiyuswat iti bukod da a lugar.
Ti Peace Covenant Signing ket pagtitinnulungan nga iwanwan ti PNP, Comelec ken DILG.
Inlawlawag ni Digmayo a ti panagatendar dagiti kandidato iti Peace Covenant Signing ket mangipaneknek a maawat da ti possible a pagbanagan wenno resulta ti eleksyon.
Inpetteng na nga awan ti rason tapno saan nga agatendar dagiti amin a kandidato iti nasao nga aktibidad gapu ta sakbay a maiyuswat daytoy ket mapakaammoan da amin.
Immuna iti daytoy, iti naiyuswat a Peace Covenant Signing iti ciudad ti Batac ket adda dagiti kandidato a saan a nakaatendar.
