LAOAG CITY – Isagsaganan ti PNP-Currimao ti agsusukot a kaso nga ipila da kontra iti maysa a lalaki a nagpammarang a “faith healer”.
Nabigbig daytoy a ni Santiago Vergara y Cainggitan, agtawen ti 64, naasawaan ken resident iti Brgy Pagsanahan Norte Badoc, Ilocos Norte.
Segun iti PNP-Currimao, napan ti suspek iti pagtaengan dagiti biktima a da Angelita Prudencio y Rafanan, agtawen ti 72 balo, Cristina Rafanan y Ragasa, agtawen ti 54 awanan asawa agpada a resdiente ti Brgy Salugan Currimao, Ilocos Norte ken ni Evangeline Rafanan y Ragasa, agtawen ti 57, awanan asawa ken residente iti Brgy San Simeon Currimao, Ilocos Norte ken inam-ammo na ti bagi na kas mangngagas.
Gapu ta adda ti ipag dagiti biktima nga agnagan ti Liwayway Rafanan y Cañedo a taga Cavite nga adda peroblema na ti salun-at ket naibaga iti suspek ket inbaga na met a kabaelana na nga agasan.
Immuna a dimmawat ti suspek ti kuwarta ket nangtedan da ti 4 a ribo a pisos kalpasan na ket nakita na dagiti alahas ti agasan na nga agkakangina ket pinaikat na kalpasan na ket immnandar na nga ited da kenkuana gapu ta “bad luck” dagitoy a no sadino nga agbalor ti 90 a ribo a pisos ken inala na pay dagiti arwaten ti inagasan na nga agbalor ti 5 a ribo a pisos.
Nupay kasta, idi Abril 18 ket nagsubli ti suspek ket kinumbinsir na ni Angelita nga uray isuna ket agasan na ket kinayat na met ken nagbayad ti 1,500 pesos.
Nupay kasta, nagreklamo ni Angelita gapu ta bayat ti panangagas kenkuana ti suspek babaen ti panangmasahe na ket maipagarup a pinilit na nga inramram a minasahe dagiti pribado a paset ti bagi na.
Idi kalman, bayat a nagsubli ti suspek iti nasao a lugar ken dumawat ti 500 a pisos kasukat ti panagplete na, nga idiayen a nagpatulong da iti pulisya tapno tiliwen ken imbestigaren da ti nasao a tao.
Rumrumuar a ti nasao a suspek ket saan nga agpaypayso a mangngagas.
Manamnama a sumasango ti suspek ti kaso a panagsalungasing iti Art 315 ti RPC wenno swindling ken acts of lasciviousness.
