LAOAG CITY – Nakagun-od ti nominasion iti Oscars awards ti pelikula nga “Emilia Perez.”
Addaan daytoy ti pakabuklan a 13 a nominasion a sinaruno daytoy ti pelikula a “Wicked” ken “The Burtalist” nga addaan ti sag-10 a nominasion.
Inaramid ti rakurak babaen kada Bowen Yang ken Rachel Sennott para iti awarding ceremony a maiyuswat inton Marso 2.
Daytoy a rakurak ket sumagmamano nga aldaw a naitantan gapu iti napasamak a nalawa a wildfire idiay southern California.
Ti pelikula nga “Emilia Perez” ket maipanggep iti maysa a Mexican drug lord a nagsukat ti seksualidad tapno saan a maarestar.
Naammoan a karaman iti nominasion daytoy ket best picture ken best actress ni Karla Sofia Gascon.
