Agsubli iti Cannes Film Festival ti pelikula ti National Artist a ni Nora Aunor idi dekada 1980 a napauloan ti Bona.
Saan laeng a mairuar daytoy iti Cannes Classics Section gapu ta maipubaya daytoy nga addaan ti realistiko kalpasan ti napaut a proseso ti 4K digital restoration idiay France.
Nangrugin ti maika-77 nga edision ti Cannes idi Martes ken agpatingga inton Mayo 25, 2024 .
Malaksid iti daytoy, naituding a maipabuya ti digitally restored version ti pelikula iti United States kas paset ti panag-promote ti Asian films iti America.
Idi 1981, damo a naipabuya ti nadakamat a pelikula iti Cannes International Film Festival Director’s Fortnight.
Nupay kasta, ditoy pagilian ket ad-adalen pay laeng ti posible a panagsubli ti pelikula iti silver screen.
Kabayatanna, ti classic film a Bona ket ummuna a naipabuyan ditoy pagilian idi 1980 kas paset ti 6th Metro Manila Film Festival nga i-dinerek ti National Artist a ni Lino Brocka.
No sadinno daytoy ti nangted kenni Superstar Nora Aunor ti maikadua a Best Actress Award iti Gawad Urian.
