LAOAG CITY – Nagballaag ni Provincial Director Vic Dabalos mangidadaulo ti Provincial Environment and Natural Resources Office (PENRO) iti publiko mainaig kadagiti basura aglalo ita nga umadani ti paskua ken baro a tawen.
Kunana nga ado dagiti agawid a kakalian ita a bulan ditoy probinsia iti paskua ken baro a tawen ken namnamaen nga ado dagiti basura nga agkaraiwarang iti aglawlaw.
Ibatad na a no kastoy ket rumbeng a kitaen ti pagsayaatan iti aglawlaw para met laeng iti tunggal maysa.
Kabayatanna inpakaamo ni Dabalos a naillepas wenno nagun-od met iti ahensia da ti kasapulan nga isubmitir para iti national screening program iti Provincial Environment and Natural Resources Office.
