LAOAG CITY – Nagpalagip ni Mr. Vic Dabalos, mangidadaulo ti Provincial Environment and Natural Office kadagiti politiko wenno dagiti agkandidato para iti 2025 National and Local election, a saan nga agilanlansa ti posters kadagiti kaykayo.
Segun kenkuana, nasken nga iyarig ti bukod a bagi ti maysa nga indibidual kadagiti kaykayo no malansaan dagitoy.
Innayonna pay a kanayon nga ikaiyalaan dagiti kaykayo nangruna iti aglawlaw gapu ta dakkel ti maipapay na a tulong dagitoy kadagiti residente.
Kabayatanna, kuna ni Dabalos a daytoy nga addang ket pakakitaan ti disiplina dagiti agkandidatura ditoy probinsia.
