LAOAG CITY – Inprisentar ti Pentagon ken ni United States President Donald Trump dagiti option a target idiay Iran.
Karaman ditoy ti panang-target iti nuclear program ken ballistic missile sites ti Iran.
Naammoan a dagiti sumagmamano nga ibilangda nga option ket ti cyberattack wenno panangatake kontra iti domestic apparatus ti Iran.
Insagana ti United States Navy ti tallo a missile firing destroyers-da iti Middle East region pakairamanan ti maysa a missile-firing submarine.
Immuna iti daytoy, pinabakwiten ti Estados Unidos dagiti personnel-da a naka-deploy iti Al Udeid Air Base idiay Qatar kas panagsagsagana no bilang agibales ti Iran.
Maipalagip nga inpetteng ni United States President Donald Trump a mapilitan daytoy a makibiang iti riribuk iti Iran kalpasan ti pannakatay ti rinibribu a nangiwayat ti tignay protesta.
Kabayatanna, saan met nga agbuteng ti Iran no sadinno nga isagsaganada metten dagiti suldadoda.
