LAOAG CITY – Binabalaw ni Vice Mayor Francis Espiritu iti ili ti Dumalneg iti saan a panagresponde ti BFP iti ili da bayat ti uram iti Brgy Lanao iti ili ti Bangui.
Kuna na nga unservisable ti fire truck ti BFP Dumalneg ken isu kuma pay ti immuna a nagresponde gapu ta as-asideg iti gasoline station.
Kabayatanna, inadmitir ni Fire Supt. Floro Obrero, provincial fire marshall a perdi ti fire truck ti BFP Dumalneg ken daan daytoy gapu ta naggapu iti BFP Dingras.
Inbatad na a ti report manipud iti BFP Dingras iti kallabes ket mabalin a mapakresponde ti fire truck no saan a surmo nga agperdi.
Kuna ni Obrero a maipadalan iti general service ti nasao a fire truck ken maiyur-uray laeng ti pannakaala ti nasao a lugan ti BFP tapno matarimaan.
Innayon ni Obrero nga immuna a naitawag iti BFP Dumalneg ti insidente ngem insegida nga intawag da met iti BFP Pagudpud ken Bangui para iti panagresponde da.
