LAOAG CITY – Inbatad ni Senador Alan Peter Cayetano a kasapulan ti ‘perfect replacement’ para iti sumaruno nga agbalin a sekretaryo ti Department of Education (DepEd) tapno masolusyunan dagiti problema iti education sector.
Mangnamnama ti senador a saan a maapektaran ti transition para iti daytoy ti panagsagana iti panaglukat ti sumaruno nga school year.
Rakurak daytoy ni Cayetano kalpasan ti panagbaba ni Vice President Sara Duterte idi Hunyo 19 kas sekretaryo ti Department of Education ken vice chairperson ti National Task Force to End Local Communist Armed Conflict, nga agepekto intono Hulyo 19 ita a tawen.
Kuna pay ni Cayetano a malaksid ti panagpili ti perpekto a kasukat ti bise presidente ket masapol nga ad-addan a wais ti panagbusbos ti pondo iti Department of Education.
