LAOAG CITY – Agpada a bimmaba ti performance ken trust ratings da President Ferdinand Marcos Jr. ken Vice President Sara Duterte iti kaudian nga OCTA Research Group survey.
Naiparuk-at ti survey sakbay ti maikalima nga State of the Nation Address (SONA) idi kalman, Hulyo 27.
Basar iti OCTA’s non-commissioned survey, 47% dagiti nataengan a Pilipino ti nangibaga a kontento da iti performance ni Presidente Marcos Jr., bimmaba iti 8 a porsiento manipod iti 55% idi Marso ita a tawen.
Nagun-od ni Marcos ti majority performance rating iti Balance Luzon, a 60%.
Kabayatanna, nakagun-od met ni Vice President Duterte ti trust rating a 47%, bimmaba met ti 55% manipod iti nagun-od na idi Marso.
Daytoyen ti maibilang a kababaan a national trust rating a nagun-od ti bise presidente sipud idi Nobyembre 2024.
