LAOAG CITY – Masapol a mangala nga umuna ti permit sakbay nga agpakulukol para iti panagaramid ti bubon.
Daytoy ti inbatad ni Mr. Panchio Villanueva, agtagikua iti maysa a water station ditoy ciudad ti Laoag.
Segun ken ni Villanueva, masapol a ti pangalaan ti permit ket iti National Water Resources Board (NWRB).
Inpetteng na a no saan a mangala ti permit ket nalawag nga adda ti malabsing a paglintegan.
Innayon na nga uray dagiti laeng gagangay a residente nga agpabubon ket masapol latta a mangala iti permit manipod iti NWRB.
Gagem ti nasao nga addang ket tapno maamoan no mano amin dagiti naipasdek a bubon iti intero a pagilyan.
Ti NWRB ket maysa nga ahensya ti gobierno a mangmonmonitor ti water resources ditoy Pilipinas.
