LAOAG CITY – Kinumpirmaran ti Mariano Marcos Memorial Hospital and Medical Center iti ciudad ti Batac a negatibo iti Coronavirus ti maysa a pasyente a nakakitaan kadagiti sintomas ti nasao a sakit.
Iti statement, inbatad ti nasao nga ospital a basar iti inparuk-at a resulta ti Research Institute for Tropical Medicine (RITM) ket negatibo ti resulta ti laboratory test ti kaunaan a Person Under Investigation (PUI) ditoy probinsya.
Rumrumuar a ti nasao a pasyente ket naggapo iti Hongkong ken apaman a nakasangpet ditoy probinsya ket nakitaan dagiti sintomas ti sakit.
Basar iti report, dagus a nai-quarantine iti nasao nga ospital ti nasao a pasyente.
Nakaanges met ti nalukay ti nasao nga ospital kalpasan a naawat da ti resulta ti laboratory test ti pasyente ken negatibo daytoy iti Covid-19.
