LAOAG CITY – Inbatad ni Brgy. Chairman Sammy Aquino iti Brgy. 24 ditoy siudad ti Laoag a nasken nga adda ti maipakita a pamaneknek ti kabaragayanna a ni Mr. Macario Sahagun nga agpaspasada iti tricyle tapno maikkan ti certificate of low income.
Kuna ni Aquino a saan nga agited ti aniaman a klase ti certificate nu awan ti pammaneknek ken ammo na ti pagtrabahoan ni Sahagun.
Inpakaammo na a ti dawdawaten daytoy a certificate of low income ket para iti food dubsidy kadagiti agpaspasada ti tricycle manipod ken ni Congressman Sandro Marcos.
Inpetteng na a saan a rumbeng a maikkan ni Sahagun gapu ta arig a maminsan laeng iti maysa a tawen nga agpasada ken kanayun a kayat na nga agbalin a benepisyo iti nagduduma nga ayuda.
Inbatad ni kapitan Aquino a ni Sahagun ket adda iti abroad ti asawa na rason a saan koma a nasken nga agawat ti subsidiya.
Immuna iti daytoy, inpakaammo ni Aquino a saan a daytoy ti umuna a gundaway a saan na nga inikkan ti sertipikasyon ni Sahagun ken immuna idi kayat na ti agplikar iti farmer’s subsidy.
Inpetteng na nga awan ti kukua a daga ni Sahagun ken maysa silong laeng ti mulmulaaan na ti mais rason a saan a naikkan ti sertipikasyon.
Inpetteng ni Mr. Macario Sahagun iti Brgy. 24 ditoy siudad ti Laoag a saan a derderetso nga agpaspasada ken adda dagiti sabali a trabaho na gapu ta masapol nga ad-ado ti pamastrekan na iti baet ti narigat a sitwasyon ti biag.
Nu pay kasta, inbatad na a saan laeng a maminsan iti maysa a tawen ti panagpasada na kas iti inpetpetteng ni Brgy. Chairman Sonny Aquino ken ninong da iti kasar.
Kuna na nga adda ti ID na kas maysa a tricycle driver ken daytoy ti mangpaneknek a nasken a maikkan ti certificate of low income.
Mainaig iti daytoy, inbatad ni Sahagun nga agmulmula ti mais ken saan na a kukua dagiti daga a pagmulmulaan na.
Nu pay kasta, kuna na nga agpada da laeng iti kapitan gapu ta awan met ti bukod daytoy a daga.
Immuna iti daytoy, inpakaammo ni Sahagun nga adda ti gura ni kapitan Aquino kenkuana gapu ta ti minulaan na a talon na ket ibaga amin ti kapitan nga isu ti naggasto kalpasan a gimmatang laeng ti makinarya na.
Kabayatanna, kiniddaw ni Sahagun iti kapitan a saan koma nga agdepende iti personal a susik tapno saan a maikkan ti aniaman a certificate a kiddawen na manipod iti barangay.
