LAOAG CITY – Inbatad ni Mr. James Ceasar Ventura, maysa kadagiti mangidadaulo iti National Youth Commission (NYC) a respetaren na ti panagresign ni NYC chairperson Aiza Seguerra.
Iti eksklusibo nga interview ti Bombo Radyo Laoag ken ni Ventura, inbatad na a masayangan ti panagresign ni Seguerra ngem respetaren da daytoy.
Kinumpirmaran na a personal ti rason ni Seguerra no apay a nagdesisyon a nagresign.
Nupay kasta, kuna ni Ventura nga inpasingked ni Seguerra nga agtultuloy latta ti panangsuporta na para ken ni Presidente Rodrigo Duterte ken dagiti agtutubo iti intero a pagilyan.
Innayon ni Ventura nga inkari na met ken ni Seguerra nga itultuloy da dagiti narugyan na a reporma ken programa iti NYC.
Inadmitir ni Ventura a nabayagen a plano ni Seguerra tio agresign gapu ti naduma-duma a rason.