LAOAG CITY – Maysa a personalized cancer treatment nga agus-usar ti mRNA technology ti nangipakita ti positibo a resulta iti late-stage clinical trial, kalpasan a naipababa ti posibilidad nga agsubli ti melanoma tumors dagiti pasyente a dimmalan iti operasyon.
Ti treatment a maaw-awagan ti intismeran autogene ket binukel ti drug makers company iti Estados Unidos nga agu-usar iti kapada messenger RNA wenno mRNA technology a nausar kadagiti bakuna kontra iti COVID-19.
Karaman iti panagadal ti 1,137 a pasyente a dimmalanen iti operasyon tapno ikkaten ti cancer da.
Sumagmamano kadagiti naipaayan ti intismeran autogene, karaman ti pembrolizumab, idinto a ti nabatbati a pasyente ket nakaawat laeng ti pembrolizumab.
Basar kadagiti kumpanya, daytoy ti kaunaan a gundaway a nangipakita ti positibo a resulta ti maysa nga mRNA-based cancer treatment iti maysa a late-stage clinical trial.
Inawagan ti sumagmamano nga eksperto a maysa a “breakthrough” ti resulta, nupay kuna da a kasapulan da paylaeng a makita ti kumpleto a datos ti panagadal sakbay a makaaramid ti nalawlawag a panangtingiting.
