LAOAG CITY – Person of interest dagiti amin a personel ti Municipal Treasury Office iti ili ti Bacarra, kalpasan a natakaw ti nasurok a 90,000 a pisos.
Daytoy ti impakaammo ni PMAJ. Antonio Marzan pannakangiwat ti Ilocos Norte Police Provincial Office.
Kuna ni Marzan a kitkitaen da amin a posibilidad ken person of interest iti napasamak nga insidente rason no apay a dimmalan dagiti empleado ti nadakamat nga opisina iti finger print examination.
Immanugot met dagiti amin nga empleado ti Municipal Treasury office iti Finger print examination, no sadinno a maamwan ita nga aldaw ti resulta na.
Immuna iti daytoy ket naammuan nga Marso 8 a napasamak a roberry incident iti opisina ti Municipal Treasury iti nasao nga ili no sadinno nga agdagop ti 97,200 a pisos ti natakaw.
Bayat ti imbestigasyon dagiti kameng ti pulisya ket nakita da a nakalukat ti maysa a tawa ti opisna ti municipal treasury office nga isu ti kitkitaen da a nagserrekan ken nagruaran ti mannannakaw gapu ta adda finger print iti nadakamat a tawa.
Kuna ni Marzan nga al-alaen da pay dagiti CCTV footages a nakaikabit kadagiti balay nga asideg ti Treasury Office tapno makaala da ti lead ti adda iti likodan ti insidente
Kabayatanna, inpanamnama ni Marzan nga aramiden da amin para iti naan-anay nga imbestigasyon tapno maamwan ti makin-aramid iti panagtakaw.
