LAOAG CITY – Nagsinnukat ti personnel ti PNP ti Ilocos Norte ken ti PNP iti La Union.
Daytoy ti inbatad ni P/C/Inps. Lauro Milan, mangidadaulo ti Administartive Office ti PNP Prov’l Office.
Segun ken ni Milan, 20 dagiti naidestino a pulis ti Ilocos Norte idiay La Union idinto a 23 met a pulis manipud La Union ti naidestino ditoy Ilocos Norte.
Kuna na a no apay a napasamak ti panagsinnukat dagiti pulis ti Ilocos Norte iti La Union ket gapu ta adda akabkabagian dagitoy nga agpaidasig iti masungad a 2019 Elections.
Inlawlawag na dagiti naggapuan dagiti naiyakar a pulis ti pakaidestinuan dagiti pulis manipud La Union.
Innayon na a paset daytoy iti preparasyon ti nalinak, naurnos ken natalna a panagpipili inton 2019.
