LAOAG CITY – Bimmaba ti populasyon ti Persons Deprived with Liberty (PDL) iti Bureau of Jail Management and Penolgy (BJMP) idiay ciudad ti Batac.
Daytoy ti inbatad ni Senior Inspector Antonio Sapaden Jr., warden ti BJMP.
Segun kenni Sapaden, ti agdama a bilang ti PDL iti pasilidad nga idadaulwan na ket 214, nababbaba no ikumpara idi bulan ti Nobyembre 2018 nga 242.
Naamoan nga iti agdama a bilang ket walo dagiti babbai ken 206 dagiti lallaki.
Kunana a daytoy ket gapo ta dagiti PDL a rimwaren kalpasan a naaprubaran ti plea bargaining nangruna dagiti addaan ti drug cases ken naiyakar iti nagduduma a detention facility.
