LAOAG CITY – Ado ti plano ti gobierno lokal ditoy ciudad ti Laoag babaen ti Public Employment Service Office kadwa da ti Department of Migrant Workers ken ti Overseas Workers Welfare Administration para kadagiti Overseas Filipino Workers ditoy ciudad intono 2026.
Daytoy ti inbatad ni Miss Shey Pia Abaya, ti Assistant manager ti Public Employment Service Office ditoy ciudad ti Laoag.
Kalikagom ni Abaya nga amin dagiti barangay ditoy ciudad ket maaddaan ti bukod nga asosasyon dagiti migrant workers.
Kuna na a babaen iti daytoy ket maikkan amin ti tulong ken benepisyo dagiti Overseas Filipino Workers ditoy ciudad.
Mainaig iti daytoy, inbatad ni Abaya a naduktalan na nga idi adda ti naipaay a benepisyo para kadagiti migrant workers ket dagiti laeng nakalista kadagiti organisasyon da ti naikkan.
