LAOAG CITY – Mangrugin ita a lawas nga agala kadagiti requirements para iti Special Employment Program for Student ti Public Employment Service Office ditoy siudad ti Laoag.
Segun ken ni Ms. Shey Pia Abaya, mangidadaulo iti nasao nga opisina, daytoy ti maysa kadagiti iyur-uray dagiti estudiante iti panagtrabahoda kadagiti nagduduma nga opisina iti lokal a gobierno gapu ta malaksid iti pannakapadasda nga agserbi iti publiko ket agsueldo pay dagitoy.
Inbatadna a tingitingenda a naimbag dagiti agaplikar gapu ta ammona nga adu dagiti agkalikagum a kayatna ti agbalin a benepisiario iti nasao a programa.
Kunana a dagiti qualifications dagiti agkalikagum nga agaplikar ket kasapulan nga agtawen ti 15 agingga iti 30, Out of School Youth, certificate of indigency of low income, ngato dagiti grades ken dadduma pay.
