LAOAG CITY – Inbatad ti Public Employment Service Office (PESO) iti kapitolyo probinsyal a naruay dagiti bakante a posisyon a mabalin nga aplikaran dagiti agbirbiruk ti trabaho ditoy probinsia.
Kuna ni Miss Liz Atuan, ti mangidadaulo iti Public Employment Service Office, adda ti maiwayat a recruitment activity intono Abril 21-22 iti kapitolyo probinsyal a mangrugi iti oras ti alas-nuebe ti bigat agingga iti alas-kwatro ti malem.
Ti nasao nga aktibidad ket pagbinnuligan ti gobierno probinsyal ken maysa a dakkel nga establisimiento ditoy probinsya.
Inpakaammo na a karaman kadagiti bakante a posisyon a mabalin a gundawayan dagiti agbirbiruk ti trabaho ket customer assistant, cashier, bagger, clerk ken accounting assistant.
Immunan nga inpasingked ti gobierno probinsyal a naruay dagiti oportunidad a mabalin a gundawayan dagiti job seeker.
