(Update) LAOAG CITY – Inawis ni Mrs. Ann Marie Lizette Bitangcor Atuan Public Eployment Service Office (PESO) Officer ditoy probinsiya ti Ilocos Norte ni Mr. Robert Cagat iti Bgy. Nagbacalan iti ili ti Paoay, live-in-partner ni Gloria Solis a maysa nga OFW idiay saudi Arabia a maipagarup a mamalmaltrato iti idadatag na iti opisina da.
Daytoy ket tapno matulungand a no ania ti rumbeng nga armiden na ken iyaasideg da iti opisina ti Overseas Workers Welfare Administration (OWWA).
Segun ken ni Atuan, gapu ta ag-livein-partner pay laeng da Cagat ken Solis ket napinpintas no siasinno a kameng ti pamilya ti OFW tapno nabilbileg ti reklamo a maidanon.
Kuna na a no agpayso ti palawag ni Cagat ket saan a maiparbeng ti mapaspasamak kenkuana.
Inlawlawag na pay a no agpayso a singsingiren da ni Slois iti 70 a ribo a pisos tapno makaawiden ditoy Pilipinas ket kitaendanto pay no ania ti nagtulagan da iti employer wenno agency na.
Nupay kasta, kuna na a kadagitoy a panawen ket awan ti rumbeng a masingir kadagiti maipatulod idiay ballasiw taaw nga agserbi kas OFW.
