LAOAG CITY – Pabor ken maragsakan ni Mrs. Lizette Bitancor Atuan, PESO officer ditoy probinsya ken maysa nga ina ti napirmaan nga extended maternity leave act.
Segun kenni Atuan, makaanay ti 105 nga aldaw tapno a matutukan ti maysa a naganak nga ina ti anak na iti uneg ti nasao nga aldaw.
Reaksyon daytoy ni Atuan kalpasan ti panangpirman ni Presidente Rodrigo Duterte ti extended maternity leave act.
Inbatad na a dakkel ti advantage na kadagiti pada na nga ina tapno ad-adda a mabantayan da dagiti annak na kasta met panang-recover na kalpasan ti panaganak da.
Inlawlawag na nga iti dati nga aldaw ti maternity leave ket saan a makaumanay para kadagiti ina a matutukan dagiti annak da.
Kunana nga awan ti makitkita na a disadvantages iti panangpirma ni Presidente Duterte ti extended maternity leave act.
