LAOAG CITY – Agtultuloy ti Pet Registration a maipatpatungpal iti nagduduma nga ili ditoy probinsya.
Daytoy ti inpakaammo ti Provincial Veterinarian ni Dr. Loida Valenzuela kagiddan ti maisaysayangkat a massive vaccination iti nagduduma a barangay iti intero nga Ilocos Norte.
Gapu iti daytoy, nagpanawagan ni Valenzuela kadagiti pet owners a masapol a mapan dan irehistro dagiti taraken da nga aso.
Innayon na a ti laeng kasapulan iti panagparehistro ket ti nagan ti pet owner, kasta pay ti nagan, maris, tawen ken no ania ti breed ti taraken.
