LAOAG CITY – Inbatad ni Péter Magyar nga addan ti nakasarita na a 10 nga European leaders, maysa nga aldaw kalpasan ti landslide victory na a namagngudo ti panagturay ni Viktor Orbán iti uneg ti 16 a tawen idiay Hungary.
Nupay kasta, kuna ni Magyar a saanna a tawagan ni Russian President Vladimir Putin, ti napinget a kaalyado ni Orbán.
Inrakurak na a no tumawag kenkuana ni Putin ket sungbatan na met latta.
Inrakurak na daytoy kabayatan ti three-hour marathon press conference tapno selebraran ti panagballgi ti partido na a Tisza party iti kalepleppas nga eleksyon.
Innayon na a nupay patien na a nalidem a mapasamak daytoy, inrakurak na a no makapagsarita da ken ni Putin ket kiddawen na iti daytoy nga isardeng nan ti pammapatay ken ti mapaspasamak a gubat iti masakupan da.
Maipalagip a ni Orbán ket napinget pay a kaalyado ni US President Donald Trump, a nangsuporta kenkuana iti napalabas nga eleksyon.
