LAOAG CITY – Inbasura ti Korte Suprema ti kiddaw ni Senador Ronald “Bato” Dela Rosa nga ibilin ti gobierno nga iruar ti maipagarup a warrant of arrest manipud iti International Criminal Court (ICC).
Basar iti nagbalin a tignay ti Supreme Court En Banc, nagkedkedan ti very urgent motion dagiti petitioner a gagem a bilinen ni Ombudsman Jesus Crispin Remulla nga agisubmitir ti kopya ti International Criminal Court warrant nga ibagbagana nga iggemna.
Naammoan a kalpasan a pinatgan ti mosyon, inbilin ti Korte Suprema ti Department of Justice, Department of Foreign Affairs ken dadduma pay a respondent nga agisubmitir ti komento iti uneg ti sangapulo nga aldaw.
Kabayatanna, saan pay a nangiyetnag ti desision ti Korte Suprema ti kangrunaan a petision nga inpila da Dela Rosa ken kampo ni dati a Presidente Rodrigo Duterte mainaig iti isyu ti pannakitinnulong ti gobierno ti Pilipinas iti International Criminal Court ken ti kiddaw para iti preliminary injunction.
