LAOAG CITY — Agtalek ti Philippine Economic Zone Authority (PEZA) a maragpatda ti tinawen a target ti panagpuonan iti pagilian.
Kinuna ni Philippine Economic Zone Authority Director General Tereso Panga nga uray nababa ti umuna a semestre dagiti investments nga inaprobaran ti Philippine Economic Zone Authority, saanda a mapukaw ti panagtalekda a magun-odda ti P200 billion agingga iti P250 billion annual investment.
Iti umuna a semestre, dimmanon laeng iti P45.48-B dagiti naaprobaran nga investments a 44 porsiento a nababbaba ngem iti P80.59-B idi napan a tawen.
Patien pay ti opisial a maragpat ti investment approval goal ita a tawen gapu iti projection ti adu nga ekonomista ken credit ratings dagiti institusion a sumayaat ti ekonomia iti maikadua a kagudua ti tawen.
