Ipatungtpal ti Philippine Fisheries Development Authority (PFDA) ti modernisasion dagiti pasilidad iti pagkalapan iti nagduduma a rehion tapno mapaimbag ti postharvest handling ken mapalawa ti oportunidad iti merkado para kadagiti komunidad ti mangngalap.
Karaman iti kangrunaan a proyekto ti Mambajao Modern Fist Port iti Camiguin a mangpaimbag iti operasion ken panangmanehar ti ikan manipud iti produksion da ken ti Masantol Modern Fish Market iti Pampanga a mangitampok ti 20-metric-ton ice plant tapno mapagtalinaed ti kalidad dagiti naudi a produkto kas ti pasayan ken tilapia.
Malaksid iti daytoy, agtultuloy a palpalawaen ti ahensia ti kapasidad ti Camaligan Fish Port iti Camarines Sur tapno agserbi ti rinibu a mangmangged ken agtagilako iti rehion iti babaen ti ad-adda nga epiyente a sistema ti panangibunong.
Inpaganetget ni Philippine Fisheries Development Authority (PFDA) General Manager Atty. Glen A. Pangapalan a gagem dagiti nadakamat nga addang a patibkeren ti supply chain ti pagilian, maliklikan ti postharvest losses ken ikonektar dagiti lokal a komunidad iti nalawlawa a paggatangan.
Nupay kasta, nangiparuk-at pay ti direktiba ni Agriculture Secretary Francisco P. Tiu Laurel Jr. a papigsaen ti koordinasion kadagiti ahensia kontra kadagiti pannakatantan iti proyekto, kagiddan ti panawagan para iti maysa nga standardized a maris dagiti pasilidad ti Philippine Fisheries Development Authority (PFDA) tapno al-alisto a mabigbig ti publiko.
