LAOAG CITY – Indeklar ti Provincial Government of Ilocos Norte ti pannakasuspenso ti klase kadagiti amin a lebel iti pampubliko ken pribado a pagadalan gapu iti magnitude 5.8 a gingined.
Segun ken ni Gov. Cecilia Araneta Marcos, gapu iti daytoy ket nasapa a nagawid dagiti estudiante ken mangisursuro tapno maipasigurado ti kinatalged dagitoy.
Inbatadna a nangiwayat ti naiget nga inspeksion dagiti otoridad kadagiti pagadalan tapno makita a naimbag no adda dagiti nadadael gapu iti gingined.
Mainaig iti daytoy, insigida a nakikoordinar ni Mr. Marcell Tabije, mangidadaulo ti Provincial Disaster Risk Reduction and Management Office kadagiti nagduduma a Local Government Units ditoy probinsia no sadinno nga awan ti nairekord a nadadael wenno nadangran.
Innayonna a masapul laeng a suroten ti duck, cover ken hold ken saan nga ag-panic tapno maliklikan ti aniaman a saan a napintas a mapasamak.
