LAOAG CITY – Kalikagum ni Governor Cecilia Araneta Marcos ti pannakaipaay ti ti tulong kadagiti mannalon iti probinsia.
Segun kenkuana, kiniddaw ti opisina ti Gobernador ti panangisubmitir dagiti mannalon iti ili ti Piddig ti maysa a kilo na daga a taltalunenda iti Provincial Agriculture Office.
Inlawlawagna a paset daytoy ti gagemda a ma-examine dagiti daga tapno maamoan ti aniaman ti maaramid tapno ininot a maisubli ti kinabaknang dagiti kataltalunan iti probinsia.
Malaksid iti daytoy, inbatad ti Gobernador a babaen iti daytoy ket maamoan no ania dagiti mabalin a maimula kadagiti kataltalunan.
Kabayatanna, dagiti mapan agisubmitir ti dagada iti opisina ti agrikultura iti munisipioda ket masapol laeng ti nagan ken no sadinno ti naggapuan ti isubmitirda a daga.
Mangnamnama ni Governor Cecilia Araneta Marcos a babaen ti tulong a maipaay kadagiti mannalon iti nagduduma a paset ti probinsia ket magun-od ti kalikagumda a mapasayaat ti produksion kadagiti kataltalunan iti probinsia.
